Thread Contributor: Milan2010Thriller Strange World
Started by Milan2010


Rate this topic
  • 3 Vote(s) - 5 Average
  • 1
  • 2
  • 3
  • 4
  • 5


67 posts in this topic
Milan2010
Junior Member


0
50 posts 1 threads Joined: Sep 2017
10-14-2017, 11:31 PM -
#61
(10-13-2017, 08:50 AM)Alphaneus Wrote: Good going

Thank_you
[Image: 59de114d16a82.png]




Milan2010
Junior Member


0
50 posts 1 threads Joined: Sep 2017
10-14-2017, 11:32 PM -
#62
Update : 21 (Kya yeh Pyaar hai..??)

 
Dexter ke baare me jaankar Mayank ko ek bahut bada jatka lagta hai, voh Manthan ke room me baithe hue kuch soch raha tha, vahi dusri aur Manthan aur Pathik bahar haal me baithe hue baate kar rahe the
Pathik “manthan, tuje kya lagta hai..?? kya Mayank Dexter ko rok paayega..??”
 
Manthan “Pathik..yeh uski ladayi nahi hai, hum uspar depend nahi reh sakte”
 
Pathik “par yaar, tune bhi dekha hai..sirf vohi ek hai jo Dexter se bacha hai”
 
Manthan “mai janta hu Pathik, lekin Dexter se ladne ke liye sirf yeh kaafi nahi hai..Dexter ke chune ka asar Mayank par nahi hota..sirf yeh sochkar hum Mayank ko maut ke pass nahi bhej sakte, voh toh bechara yeh bhi nahi janta ki voh hamare earth par kese aagaya hai, voh already bahut jyada pareshan hai aur Dexter ke baare me use batana sahi nahi hoga..infact hume Mayank ki madad karni chahiye, taaki voh apne ghar..apne earth par vaapis jaa sake”
 
Kruti, Siddhi aur Paridhi bhi apne apne ghar se vapis aa chuki thi, unn tino ne Manthan ki baat sun li thi, aur fir Siddhi kehti hai “you are right manthan, Dexter hamari problem hai, we should help him”
 
Paridhi bhi Siddhi ki baat ka saath dete hue kehti hai “yeah..we should help him, par voh hai kaha..??”
 
Kruti chidate hue “kya baat hai pari, aaj uski bahut fikar ho rahi hai, hamare manthan ki tune itni fikar kabhi nahi ki..??”
 
Paridhi thoda sa haklate hue kehti hai “are voh..voh Mayank hamare earth par akela haina..bas isiliye, varna tu jesa soch rahi hai vaisa kuch nahi hai”
 
Kruti “par maine toh kuch socha hi nahi, aur mayank akela kaha hai..hum sab uske saath hai” Aetsch
 
Paridhi apni jibh ko apne hi daanto se kaat ti hai aur fir “are voh..voh mai paani peekar aati hu” aur voh turant hi vaha se bhaag jati hai, aur vaha sab hasne lagte hai
Pathik “chalo hamara manthan naa sahi..dusre manthan ki vajah se iski smile toh vaapis aayi”
 
Sabhi log Pathik ke baat se sehmat hote hai, aur fir voh sab Manthan ke room me jaate hai aur andar ka najara dekhkar sab log dang reh jaate hai
Room ke charo aur transparent images thi, har ek image Dexter ke hamlo ke baare me thi aur Mayank unn saari images ko dhyan se dekh raha tha
Mayank “Gideon, muje Dexter ke baare me saari information chahiye”
 
Manthan “par kyu..??”
 
Manthan ki awaaz sunkar Mayank uski aur dekhta hai, aur fir haste hue voh sari pics ko apne haatho se close kar deta hai
Siddhi “kahi tu Dexter se fight karne ke baare me toh nahi soch raha na..??”
 
Mayank “filal toh yes, aur vese bhi mere pass bahut waqt hai”
 
Paridhi “par yeh ladayi teri nahi hai”
 
Mayank “haa janta hu ki yeh ladayi meri nahi hai, maine Dexter ke baare me sab kuch padha hai, voh tabse active hua hai jabse mai iss Earth par aaya hu, so kahi na kahi yeh sab kuch meri hi vajah se ho raha hai, and besides iss earth ke pass mere alawa aur koi option nahi hai, sirf mai hi uske karib jaa sakta hu”
 
Manthan “nahi..tu aisa kuch nahi karega, hamari governments Dexter ko rokne ke liye kuch na kuch toh jarur karegi”
 
Mayank “kuch nahi kar sakte..tu bhi yeh baat ache se jaanta hai, sirf 10 minutes me Dexter ne almost 60% US army ko khatam kar diya tha, aur mai galat nahi hu toh US Army iss earth ki sasbe powerful aur sabse badi army hai, agar Dexter unhe chutkiyo me khatam kar sakta hai..toh socho voh aur kya kuch nahi kar sakta”
 
Paridhi “par Manthan..”
 
Pari ki baat ko bich mese kaat te hue Mayank kehta hai “nahi pari, don’t worry, Dexter ko hum sab milkar rok lenge, bas muje tum sab ki madad chahiye”
 
Manthan ek gehri saans lete hue “thik hai, hume kya karna hoga”
 
Mayank haste hue kehta hai “Gideon..let’s do this, tum jante ho tumhe kya karna hai”
 
Gideon “yes sir, connecting to main server….connected to CID Lab”
 
Pathik “yeh tune kese kiya, CID lab ke main servers me koi connect nahi ho sakta, yeh impossible hai”
 
Mayank haste hue “hahaha, CID ke main servers me connect hona koi badi baat nahi hai, mere earth par yeh kaam ek chota bacha bhi kar sakta hai”
 
Siddhi “agar CID valo ko pata chal gaya toh Manthan ke Dad ki job chali jayegi”
 
Mayank “ohh come on siddhi, Gideon ki technology iss earth ke sabse advanced technology se bhi kahi aage hai, Gideon Ethernet aur proxy loop use karega, koi Gideon ko trace nahi kar payega..infact kisi ko pata bhi nahi chalega ki unke main Servers me koi aur connect bhi hua hai”
 
Gideon “sir, mai ek baat kehna toh bhul hi gaya”
 
Mayank “konsi baat..??”
 
Gideon “sir, Dexter ki main power uski raftar nahi hai, voh jaha se bhi gujarta hai..uske aaspass ek unkown energy present hoti hai, aur uski vajah se sare digital devices kaam karna band kar deti hai”
 
Mayank “how did you now that”
 
Gideon “sir, jab aap Dexter ke karib gaye, uss waqt aapki watch ne kuch waqt ke liye kaam karna band kar diya tha aur vaha maujud harek phone band ho chuke the, aur sirf itna hi nahi..vaha rahi saari digital devices bhi kuch waqt ke liye band ho gayi thi”
 
Mayank “thanks gideon, CID ke servers se Dexter ki saari information study karni hai, and check it ke hamare mainframe me uske baare me koi information hai yaa nahi”
 
Gideon “okay sir, i will do it”
 
Uske baad voh sab log Mumbai jaane ke liye nikal pade, safar kaafi lamba tha..aur train se jaane ki vajah se unke 1 din toh lagna hi tha
Pure raste me Mayank shant hi raha, voh bas apne watch ke saath kuch kar raha tha, aur vahi baaki sab log masti kar rahe the
Paridhi baar baar mayank ki aur dekh rahi thi..voh uske pass hi baithi thi, voh mayank se puchti hai “akhir tu kar kya raha hai”
 
Mayank “hmm..kuch nahi, bas kuch modifications kar raha tha, taaki next time Dexter ke pass jaane par yeh kaam karna band naa kare”
 
Paridhi “toh..ho gaya..??”
 
Mayank haa mein apna sar hilata hai “haa, it’s done”
 
Pathik “yaar, tu kitna kaam karta hai..thoda chill bhi kar le”


Manthan “hahaha, ha bhai..hamare group me sirf yeh hi akela single hai, isliye ise chill karna jyada pasand hai” ispar sab log hasne lagte hai
 
Pathik “ha toh kya hua, mai janta hu meri bhi ek gf hogi”
 
Kruti “haa, par voh teri nahi..Mayank ke earth vale pathik ki hogi”
 
Kruti ki baat sunkar pathik turant bolta hai “kya yeh sach hai, kya pathik ki gf hai..?? I mean tere earth par”
 
Mayank haa mein apna sar hilata hai, Pathik “kaun hai..?? uska naam kya hai..??”
 
Mayank kruti ki aur dekhte hue kehta hai “well, on my earth, tum dono couple ho” voh kruti aur pathik ki aur ishara karte hue kehta hai
 
Kruti aur pathik dono hi ek dusre ko ghurne lagte hai, fir siddhi kehti hai “toh fir teri gf kaun hai..??”
 
Siddhi ki baat sunkar Mayank kuch nahi bola, voh sabse excuse karke train ke gate ke pass aakar khada ho gaya
Mayank ko jaate dekh sab usi ki aur dekhne lage, koi kuch kehta uske pehle Paridhi kehti hai “mai jaati hu uske pass” aur voh vaha se chali gayi
 
Pathik “ise kya hua..??”
 
Kruti “pata nahi, par jabse mayank aaya hai, tabse voh kaafi badli badli si lag rahi hai”
 
Manthan “matlab..??”
 
Siddhi “matlab yeh ki voh baate toh hamse karti hai, par uska pura dhyan Mayank par hota hai”
 
Pathik “ho sakta hai ki Mayank ki voh baate sunkar aisa kar rahi ho, I mean Paridhi ko bhi sapne aate hai..aur voh Mayank ki life se jude hai, yaa fir Mayank ne kaha tha ki uske earth par pari ke mom dad jinda hai”
 
Manthan kuch sochte hue “nahi pathik, baat kuch aur hi hai, mayank bhi baar baar paridhi ki aur dekh raha tha, uske aankhe me kisi ke khone ka dard dikh raha tha”
 
Siddhi “kahi yeh sab uss earth vali siddhi se toh related nahi hai..??”
 
Manthan “pata nahi..yaa fir Paridhi se bhi relate ho sakta hai, dekha nahi tha Gideon ne sirf usko hi greet kiya tha”
 
Vaha train ke gate par khade khade Mayank cigeratte pee raha tha, vese usne Manthan ko cigeratte peete hue kahi baar dekkha hai, paar aaj pata nahi Mayank par use bahut gussa aaya, aur voh jor se chillayi “tuje apni koi fikar hi nahi hai na..??”
 
Paridhi ki awaaz sunkar Mayank piche muda par usne cigeratte chupane ki koi koshish nahi ki, Paridhi ne firse kaha “isme kya milta hai tuje..??”
 
Mayank “tu nahi samjegi”
 
Pari “toh samja muje, muje bhi jaana hai ki yeh cigeratte me aisa toh kya hai”
 
Paridhi ki yeh baat sunte hi use apni Pari ki yaad aagayi, Mayank ek saans lete hue uss cigeratte ko vahi par faink deta hai, par paridhi ne usko ghurna band nahi kiya, jise dekh mayank ne apni jeb mese cigeratte ka pura packet nikal kar train se bahar faink diya
Paridhi yeh dekhkar smile karti hai aur fir mayank se kehti hai “please na, tu iss cigeratte ko chod de, mere khatir”
 
Yeh sunkar Mayank paridhi ki aur dekhne laga, Paridhi ke uss maasum se chehre ko dekhta raha, khubsurat chehra..kaali aankhe, patle hoth, aankho me halka sa kaajal, aur chehre par koi makeup nahi, fir bhi Paridhi bahut pyaari lag rahi thi, Mayank jyada der Pari ko dekh nahi paaya, aur usne apni aankho ko niche kar diya
 
Sach toh yeh tha ki Mayank ko iss waqt apne Pari ki bahut yaad aa rahi thi, jiss wajah se uski aankho me aansu aagye jo Paridhi dekh leti hai
Voh chalte hue Mayank ke pass aayi aur apne haatho ko usne Mayank ke chehre par rakhe aur uska chehra upar kiya..Mayank aur Paridhi dono hi ek dusre ki aankho me dekh rahe the, Paridhi pyaar se uske aansuo ko saaf karti hai
Naa toh Mayank kuch bol raha tha aur nahi Paridhi kuch bol rahi thi, dono hi ek dusre ki aankho me dekh rahe the, Paridhi ki pyaari harkat dekh Mayank khud ko rok nahi paaya aur usne turant hi Paridhi ko hug kiya aur rote hue usse kehta hai “I am sorry Pari, I am really sorry, please..please muje maaf kar de”
 
Paridhi ne mayank ko thodi der rone diya, aur fir usse alag hote hue “manthan..hum dono sirf dost nahi the..haina..??”
 
Mayank yeh sunkar thoda piche hua, use ehsas hua ke samne vali ladki uski Pari nahi hai, voh haklate hue bola “vv..vvoo…hh..hh, ii..ii, aa…mm.m, sss..ss.oooo rrryyy, voh mai thoda bhatak gaya tha”
 
Paridhi “it’s okay, but please tell me the truth, hum dono friends se kuch jyada the”
 
Mayank haa mein apna sar hilate hue kehta hai “haa, I love her, hum dono hi ek dusre se bahut pyaar karte the, par tuje kese pata chala ki..” voh bolte hue ruk gaya
 
Mayank Paridhi ki aur dekhta hai, Pari dheere se puchti hai “kya hua tha uss raat ko..?? voh aag kese lagi thi, aur mai..mai uss aag me kese pahuchi..?? aur voh bhagta hua ladka..voh tu hi thana..??”
 
Mayank ajib si shakal banate hue dekhta hai, Paridhi “I mean muje apna naam lena thoda awkard lag raha hai, so maine Paridhi ki jagah mein mai keh diya, sorry agar tuje kuch bura laga ho toh”
 
Mayank “na na, aisa kuch nahi hai, bas uski yaad aa rahi thi”
 
Paridhi “uss earth par mai jinda nahi huna..??”
 
Mayank “tuje kese pata..??”
 
Paridhi “teri aankhe bata rahi hai, maine tuje mujko ghurte dekha hai, pehle toh laga ki shayad yeh mera veham hai, par jab maine teri aankho me dekha toh pata chala ki tu bahut upset hai, uss din bhi jab Siddhi tujpar chillayi thi tab tu muje hi dekhkar bhaaga tha, aur aaj subah class me tu muje hi dekhe jaa raha tha, aur toh aur Gideon ne sirf muje hi greet kiya tha, bata na kya hua tha Paridhi ke saath”
 
Mayank apne aankho ko jor se band karte hue kehta hai “kaash ki mai Pari ko apne saath nahi le gaya hota, toh voh aaj jinda hoti, meri hi vajah se voh maari gayi hai, aarav ne mana bhi kiya tha, par mai hi nahi maana”
 
Paridhi “aarav, voh..voh bhi jinda hai vaha..??”
 
Mayank “haa, he is alive”
 
Paridhi “please bata na, kya hua tha uss raat ko, muje jaan na hai”
 
Mayank “thik hai, but yaha nahi, Mumbai chalkar mai sab kuch bata dunga, I promise”
 
Paridhi smile karte hue “thik hai, ab chalna hai yaa yahi khade rehne ka irada hai”
 
Mayank “mai kuch der yahi rukunga”
 
Paridhi “thik hai, but no cigeratte, promise me”
 
Mayank smile karte hue kahta hai “thik hai..no cigeratte, I promise”
 
To be continued…
 
[Image: 59de114d16a82.png]




Milan2010
Junior Member


0
50 posts 1 threads Joined: Sep 2017
10-16-2017, 11:41 PM -
#63
Update : 22 (A Black Day)

 
Location : CDC Lab, Earth-2
Time : 6:00 PM
 
“aakhir kar voh din aahi gaya jiska hum sab ko besabri se intezaar tha, aaj raat thik 10 baje CDC lab ke owner yaani Dr. Avishkar apna experiment shuru karenge, unka kehna hai ki agar unka yeh experiment kamiyab ho gaya toh duniya ke kahi saare anginat raaz sulaz jaayenge” kehte hue voh reporter CDC lab ki kuch tasweere dikhane lagi
 
Vahi andar CDC lab me kayi log alag alag department me kaam kar rahe the, Dr. Avi dusre scientists se apne project ke baare me baat kar raha tha, apni baat khatam hote hi voh apne cabin ki aur jaane laga ki bich me uski najar ek junior scientist par padi jo usi ki aur aa raha tha
 
Junior “good evening sir”
 
Avi “good evening, all good..??”
 
Junior “yes sir, everything is fine”
 
Avi “and what is the status of every systems..??”
 
Junior “all the systems are perfectly stable and they are working absolutely fine”
 
Avi “okay good, and what is the status of main core reactor” voh aage kuch kehta uske pehle hi vaha ek lady aayi aur Avi ki baat ko bich me hi kat te hue kehti hai “Dr. Avishkar, maine sab kuch check kar liya hai, don’t worry”
 
Avi uss lady ko dekhte hue smile karta hai “Dr. Disha, yeh project mera sabse bada dream hai aur mai koi risk nahi lena chahta”
 
Disha “mai janti hu Avi, par tu sabse ek hi baat puche jaa raha hai, just chill..itni tension karna sehat ke liye acha nahi hai and I think ab tuje kuch der aaram kar lena chahiye, tu aaj subah se kaam kar raha hai, and besides 9:30 baje press conference bhi hai..yaad haina..??”
 
Avi “jiske pass itni achi biwi ho toh use yaad rakhne ki koi jarurat nahi hai” fir voh vaha se jaane laga aur tabhi use kuch yaad aaya “manthan kaha hai..??”
 
Junior “sir voh actually apni girlfriend ke saath hai, usne kaha tha ki voh Accelerator chalu hone se pehle vapas aa jayega” aur fir Avi aur Disha vaha se apne cabin me chale gaye
 
Cabin me jaate hi Avi ne Disha ko hug kiya aur kiss karte hue usse kehta hai “finally aaj voh din aa hi gaya”
 
Disha “all credit goes to you, yeh sab tere hi hard work ki vajah se hua hai”
 
Avi naa mein apna sar hilate hue “naa mere nahi, hum sab ki madad se hua hai, bas aaj raat koi gadbad naa ho”
 
Disha “koi gadbad nahi hogi jaan, sab thik hoga” fir kuch der rukkar voh puchti hai “voh ladka..Manthan, tuje use lagav ho gaya haina..??”
 
Avi haa mein apna sar hilata hai “haa disha, uske pass bahut knowledge hai, iss project ko lekar voh mujse bhi kahi jyada excited hai, infact voh toh yaha se jaana hi nahi chahta tha..par maine hi use bheja hai”
 
Disha “hmm..janti hu, uski story bhi kuch kuch teri tarah hi hai”
 
Somewhere in the City
Loaction : Infinity Mall
Khair infinity mall ke baare me toh har koi jaanta hai, khastaur par ladkiya aur young couples yaha par bahut aate hai, kyunki yeh mall hi kuch aisa hai
Vaise bhi shopping ke liye toh har ladki deewani hoti hai, aur agar baat infinity mall me shopping karne ki ho toh ladkiya peeche nahi hat ti
 
Ek ladki alag alag shop se apne liye kapde dekh rahi thi, aur uske saath me jo ladka tha use dekhte hi lag raha tha ki use shopping bilkul bhi pasand nahi hai, voh ajib si shakal banate hue uss ladki se kehta hai “yaar ab bas kar, abhi aur kitni shopping karegi”
 
Ladki apni pyaari aankho se uss ladke ki aur dekhte hue kehti hai “bas ek last manthan, pakka”
 
Manthan “pari..dekh agar teri vajah se mai CDC lab waqt par nahi pahuchana toh..” voh bolte hue ruk gaya
 
Pari “toh kya..??”
 
Manthan “toh..toh na mai tujse baat hi nahi karunga”
 
Pari dhere se manthan ke pass aati hai aur uske kaan me kehti hai “kya sach me tu mujse baat kiye bina reh paayega..??”
 
Pari ki baat sunkar Manthan rone vaali shakal banata hai “tu jaanti hai fir bhi aisa keh rahi hai, mai tujse baat kiye bina nahi reh sakta”
 
Paridhi “hum first time Mumbai aaye hai, thodi bahut shopping toh karni hi chahiye”
 
Manthan “thodi bahut..yeh thodi bhahut hai, hum pichle 5 hours se shopping hi toh kar rahe hai”
 
Paridhi “acha..ab tu apni gf ke liye itna bhi nahi kar sakta” voh itne pyaar se bolti hai ki manthan bas dekhta hi reh gaya, aur voh dheere se kehta hai “tere liye hi toh yeh sab kar raha hu”
 
Thodi der aur ghumne ke baad voh dono CDC lab ki aur jaane ke liye nikal gaye, abhi bhi 15 min baaki the, CDC lab ke main gate ke pass pahuchte hi Manthan kehta hai “tu jaanti hai pari, aaj ke din ka mai kabse intezaar kar raha tha, finally aaj particle accelerator on hoga, agar yeh successful hua toh sab kuch badal jaayega, even hum universe ke bhi kahi saare raaz jaan sakte hai, hum unn saari theories ko wrong prove kar denge jo yeh kehti hai ki light se jyada speed kisi bhi cheez ki nahi hoti”
 
Pari usko dekhte hue “ha baba, mai jaanti hu, kitni baar bataega”
 
Manthan “ohh haa..voh sorry, mai bahut jyada excite ho gaya tha”
 
Pari uske shoulder par apna sar rakhte hue kehti hai “iss excitement me kahi muje bhool mat jaana”
 
Manthan turant apna chehra pari ki aur karte hue puchta hai “aisa kyu lagta hai ki mai tuje bhool jaunga”
 
Pari “kuch nahi” aur voh firse manthan ke kandhe par apna sar rakh deti hai
 
Manthan pyaar se uske chehre ko apni aur karta hai aur puchta ha “please pari..batana, tere mann me kya chal raha hai”
 
Pari “voh tu hamesa science ki hi baate karta rahta hai, hum kahi bhi ghumne jaate hai..tu hamesa yahi baate karta rehta hai, aisa lagta hai ki mai teri gf nahi..balki science teri gf hai”
 
Manthan “I promise you pari, mai tuje kabhi nahi bhoolunga, chahe kuch bhi ho jaaye..you are my first priority”
 
Manthan ko itna serious dekh Pari jor jor se hasne lagti hai, aur fir manthan ke sar par haath firate hue kehti hai “pagal..mai toh masti kar rahi thi..I love you”
 
Manthan “I love you too”
 
Voh dono baate karte hue lab ke main hall me pahuch gaye..jaha par kaafi saari bheed jama hui thi, ki tabhi vaha par ek announcement hui “Dr.Avishkar is here” aur unke aate hi sab log jor jor se taaliya bajane lage, aur Dr.Avi ke stage par aate hi photographers unki pics lene lage aur reporters ne apne sawalo ki barsaat kar di
 
Reporter 1 “Sir..kya aap hame bata sakte hai ki particle accelerator kese kaam karega..??”
 
Avi “sure, Particle accelerator is nothing but yeh ek lambi underground circular tunnel hai, jiske andar humne artificial vacuum create kiya hai, aur iss tunnel me humne pehle alpha particles aur hydrogen particles, dono ko baari baari se inject kiya tha, aur electromagnetic field ki madad se humne unn particles ko energised kiya, jisse unn particles ki velocity kaafi had tak amplify hui, par yeh velocity light ki speed se bahut kam thi”
 
Reporter 1 “so iss baar aap kya naya karne vale hai..??”
 
Avi “iss baar hum tachyons ka use karenge, basically in theories..tachyons ki raftar light ki speed se bhi jyada hai, so agar mai aur meri team, yaha par tachyons ko uss speed par stable karne ki koshish karenge, aur agar hum tachyons ko stable kar paaye, then it will be blessings for us”
 
Reporter 2 “aur agar aapka experiment fail hua toh..??”
 
Avi “toh yeh pura city khatam ho jayega”
 
Yeh sunkar sab log chaunk gaye, fir Avi haste hue kehta hai “relax, aisa kuch bhi nahi hoga, humne sari calculations ki hai aur har tarah ke precautions bhi liye hai, so don’t worry aisa kuch nahi hoga..and agar koi gadbad hoti bhi hai, toh hum iss pure system ko band kar denge”
 
Reporter 3 “isse kya fayda hoga..??”
 
Avi “aap log har chiz fayde ke liye hi karte ho..??”
 
Reporter 3 “nahi sir..mera matlab voh nahi tha”
 
Avi “well fayda kya hoga voh toh mai nahi jaanta, par itna jarur keh sakta hu ki universe ke kahi saare raaz ko jaane ka ek rasta jarur mil jayega”
 
Reporter 2 “sir, aapke iss project me kitne log jude hue hai”
 
Avi “yaha hamari pure 25 logo ki team hai”
 
Aur bhi kahi tarah ke sawal jawab hue, aur finally thik 10 baje Dr.Avi apne cabin me agaya aur apni team ko particle accelerator chalu karne ka ishara kiya  
Jab pipeline me vacuum create hogaya toh Avi ne khud operating panel par ek button press kiya aur Pipeline me Tachyons ka ek particle inject hua
Yeh puri procedure bahar hall me rahi projector screen par ek animation me dikhayi de raha tha aur uske baad vaha rahe sabhi log taaliya bajane lage
 
Dr. Avi ki team mese ek ne kaha “congratulations sir, we have done it”
 
Disha “you did it” aur usne Avi ko hug kiya
 
Fir ek ek karke sabhi logo ne Avi ko greet kiya, aur Avi bahar aate hi announce karta hai “we have done it”
 
Manthan bhi Avi ke pass aaya aur usne kaha “congratulations sir”
 
Avi “well thank you my boy, so is she here..??”
 
Manthan pari ki aur ishara karte hue “yes sir..voh vaha hai” ki tabhi cabin se Disha aayi aur usne dheere se kaha “avi, I think there is a problem”
 
Disha ki baat sunkar Avi aur Manthan dono hi vaaha se bhaage aur main computer ke pass gaye, vaha jaate hi Avi ne operator se pucha “what happened”
 
Operator “I don’t know sir, sab kuch thik chal raha tha, 10 minutes tak sare system normal conditions par the, reactor core bhi stable tha, par achanak..achanak tachyons mese koi unknown energy release hui..aur hamare systems kuch seconds ke liye band ho gaye aur reactor unstable ho gaya”
 
Tabhi screen par “SYSTEM UNSTABLE” likha hua aaya, Avi ne fauran kaha “saare systems band karo, I repeat, shut down everything immediately”
 
“we..we are sorry sir, koi command kaam nahi kar raha” side mese ek scientist ne kaha
 
Avi bhagte hue uske pass gaya aur voh khud supercomputers me command dene laga, par voh kuch karta uske pehle vaha par ek bahut bada dhamaaka hua aur sare systems band ho gaye, vahi bahar hall me sare electrical instruments band ho gaye aur ek dhamaaka hua aur charo aur aag lag gayi
 
Aag lagte hi logo ne idhar udhar bhaagna shuru kiya, sab log jaldi se uss main hall se bahar nikalna chahte the
Pari manthan ko idhar udhar dhund rahi thi par use voh kahi naa dikha, aur bheed ke bhaag daud se Pari ko dhakka laga aur voh side me aakar gir padi, voh khud ko sambhal ti uske pehle upar se ek pathar ka tukda tutkar uske kandhe par laga
Pari ke muh se dardnak awaaz nikli, par shayad yeh kaafi nahi tha ki Tabhi upar raha ramp tutkar pari ke charo aur gir pada jisme bahut bhayankar aag lagi hui thi
 
Dhamaaka sunkar Manthan bhagte hue cabin se bahar aaya aur uski najar samne Pari par padi..jo aag ke ghere me akele baithi hui thi, Manthan daudte hue uske pass jaa raha tha..aur pari jor jor se chilla rahi thi “help..please help me”
 
Kuch seconds ke liye Manthan aur Pari ki najre ek dusre se mili, unn dono ki hi aankho se aansu beh rahe the, aur jese Manthan uss jalte hue ramp ke karib pahucha usne chalaang lagayi, aur thik voh ramp ke upar pahucha hi tha ki vaha ek aur bahut bada aur bhayankar dhamaka hua jisse Manthan teji se peeche ki aur udne laga, voh kuch samaj paata uske pehle uska sar sidhe jaakar ek paid se takraya
Uss dhamake aur aag ki vajah se Mayank ke sharir ke har hisse se khun nikal raha tha, aur sar me chott lagne ki vajah se uska sharir uska saath nahi de raha tha, badi muskil se uski aankhe bhi khul rahi thi
 
Lekin abhi bhi uski aankho ke samne Pari ki vohi parchayi dikh rahi thi, voh badi muskil se khada hua aur Pari ki uss parchayi ke pass jaane laga, par voh jyada dur nahi jaa paaya aur vohi par girkar behosh ho gaya
 
“manthan..manthan, kaha kho gaya” kehte hue Pari ne manthan (mayank) ko uski soch mese bahar nikala
 
Mayank “voh..voh kuch nahi, kya hua..??”
 
Pari ajib si shakal banate hue “kya hua..?? tu yaha pichle 1 hour se baitha hai, are you okay..??”
 
Mayank “sorry, chalo” fir voh bhi sabke saath aakar baith gaya aur sabse baate karne laga
 
Achanak se Kruti ne puch liya “mayank, tu hamesa itna sad rehta hai..??”
 
Mayank “nahi, bas uske jaane ke baad se”
 
Siddhi “kiske jaane ke baad..??”
 
Paridhi “hey guys, please abhi iss baare me hum baat naa kare toh hi acha hai” sab log pari ko ghurne lage
 
Mayank haste hue kehta hai “it’s okay pari, don’t worry..I am fine, kabhi na kabhi toh inhe pata chalna hi hai”
 
Pathik “kya pata chalna hai..?? ab kya chupa raha hai..??”
 
Mayank kruti ki aur dekhte hue kehta hai “yaad hai tune mujse kaha tha ki mai uss din Pari ko dekhkar kyu bhaga tha..??”
 
Kruti haa mein apna sar hilati hai, Manthan “kya..?? Pari bhi..??”
 
Mayank “haa, pari mere aankho ke samne mari thi, kash ke mai use nahi le gaya hota toh voh jinda hoti”
 
Kruti “toh isliye jab tune Pari ko dekha toh…” voh bolte hue ruk gayi
 
Mayank “haa, isliye..par Pari sirf meri dost nahi thi, she was my girlfriend and I love her”
 
Uske baad kisine kuch nahi pucha, aur voh log idhar udhar ki baate karte rahe
Mumbai pahuchne ke baad Pathik ne kaha “Mumbai toh aagaye..ab aage kya..??”
 
Mayank “ab hum vaha jayenge..jaaha se yeh sab shuru hua tha” aur voh log uss gaanv ki aur nikal pade
 
To be continued…
 
[Image: 59de114d16a82.png]




Night_Rider
Super Saiyan


Moderators
4
668 posts 17 threads Joined: Sep 2017
10-17-2017, 06:31 PM -
#64
gaanv me bahut sare suprises D
[Image: 59d4dc5747e8a.png]
Milan2010
Junior Member


0
50 posts 1 threads Joined: Sep 2017
10-17-2017, 11:56 PM -
#65
(10-17-2017, 06:31 PM)Night_Rider Wrote: gaanv me bahut sare suprises D

haa
surprise hi surprise hai Biggrin
[Image: 59de114d16a82.png]




Milan2010
Junior Member


0
50 posts 1 threads Joined: Sep 2017
10-17-2017, 11:57 PM -
#66
Update : 23 (Unknown Energy)

 
Location : Crime Branch, MUMBAI
Time : 6:00 PM
Crime branch me iss waqt kaafi chehal pehal ho rahi thi, Commissioner ke saath DY Commissioner, SP, DSP aur SWAT Force ke 3 members crime branch ki main unit me aa chuke the
Dexter ka atank har din badhte hi jaa raha tha, haroj begunah log mar rahe the..par abhi tak Dexter ke baare me kisiko koi bhi jaankari nahi thi
Pura desh..ya yu kahu ki puri duniya par Dexter ka atank faila hua tha, koi nahi janta tha ki Dexter kaha se operate karta hai, ya uska agla hamla kaha par hoga
Dexter se ladne ke liye Indian Government ne ek special force banayi thi..jiska naam SWAT Force tha, SWAT Mumbai ke crime branch se operate hoti thi, Mumbai ke jungle mese jis ladki ki death body ko further study karne ke liye DELHI bheja gaya tha..uski abhi tak koyi report nahi aayi thi
 
Yeh log iss waqt conference room me baithe hue the, SWAT Force ka caption commissioner se puchta hai “sir, iss waqt yeh emergency meeting..?? kya Dexter ne firse hamla kiya..??”
 
Commissioner “nahi caption, muje high command se call aaya tha ki unki ek team yaha aa rahi hai, aur voh log issi waqt meeting karna chahte hai”
 
Caption “voh kaun log hai sir..??”
 
Commissioner “Voh scientist ki team hai, jo Dexter ke har case se judi hui hai, any lead on Dexter..??”
 
Caption “not yet sir, infact hum aajtak pata nahi kar paaye voh apne attack kis based par karta hai, uske attacks se koi lead nahi ban rahi, we tried everything”
 
Commissioner “hmm..let’s hope ki inn logo ko kuch toh pata ho”
 
Dr. Rajendra ne mumbai pahuchkar Ajit aur apni team ke saath milkar kahi research kiye, aur apne research khatam hone ke baad aaj usne crime branch me emergency meeting bulayi thi, Rajendra aur uski team ke pahuchte hi commissioner ne kaha "yeh emergency meeting ki kya vajah hai doctor, kya dexter ke baare me kuch pata chala..??"
 
Rajendra apne man me sochta hai "kya muje mayank ke baare me imhe batana chahiye..?? Nope..mai mayank ke baare me kuch nahi bata sakta..aur naa hi mere pass koi proof hai..aur bina proof ke yeh log muje hi pagal samjenge, ab samaj me aaya ki mayank ne yeh baat itne din humse kyu chupayi thi, aur agar yeh log meri baat ka yakin bhi kar le..toh pata nahi uss bechari ki yeh log kya halat karenge" fir voh kehta hai "nahi sir, filal toh hume dexter ke baare me kuch bhi pata nahi chala, but mere assistant ke pass kuch informations hai, aur usi ke based par muje search warrant chahiye"
 
Commissioner "search warrant..?? Kis jagah ka..??
 
Rajendra "national park me rahe gaanv ka..ya yu kahi ki pure national park ka"
 
Commissioner "I am sorry doc, but..mai yeh nahi kar sakta, National Park me already mere kayi saare officers maare gaye hai, aur haal hi me do din pehle Karan aur Patil dono uss gaanv me gaye the, voh log abhi tak vaapas nahi aaye..aur naa hi unki dead bodies mili hai, aur sirf kisi information ke based par me yeh nahi kar sakta..mai aur logo ko nahi maar sakta"
 
Rajendra "i am sorry to hear that, but you need to trust us, and i think we finally got a lead on something, abhi tak hamare pass kuch nahi tha, but this time, we got something"
 
Commissioner "and what is that doc..??"
 
Rajendra ajit ki aur ishara karta hai, fir ajit khade hokar projector screen ke samne aagaya, aur usne ishara kiya aur lighta off hi gayi aur screen par kuch images aa gayi
 
Ajit "jaisa ki aap sab ko pata hai..hamare earth par har jagah, har city, har gaanv me jo hamle ho rahe hai, ya abtak jitney bhi hamle hue hai..voh saare dexter kar raha hai, pehle toh laga tha ki yeh terrorists attacks, fir kahiyo ne toh yeh bhi kaha ki Dexter shayad nuclear weapons ka istimaal kar raha hai, isliye INDIAN Government ne humari team ko hire kiya, har crime scene par humne har tarah ke experiments kiye..par naa toh hume kahi par bomb ke traces mile..aur nahi koi nuclear radiation, par dhire dhire kuch baate samne aayi..jese ki har effected areas me hamari devices kaam karna band kar deti hai…par kyu..?? yeh sabse bada sawal tha"
 
Vaha rahe members mese ek bola "yeh sab toh hum jante hai doc, isme naya kya hai..?? come to the point"
 
Ajit "aapne hume jis ladki ki death body bheji thi, uski body ko humne study kiya hai, uss ladki ki real age 25 years thi, par PM report me saaf likha hua hai ki uss ladki ki age 85 years thi..aur uski body ko dekh kar use juthla bhi nahi sakte..yeh dekhiye uski skin ek budhi aurat ke jesi hi hai” screen par uss ladki ki image thi, uske baad ek aur image aayi, jo kamar/pait vale hisse tha "yeh jo hissa dekh rahe hai aap, iss jagah par dexter ke chune ka koi asar nahi hua hai, yaha ki skin sahi hai, matlab ki iss jagah par ek jawan ladki ki skin hai” fir thoda ruk kar “par ek chiz bahut hi ajib hai..iss ladki ki body me bhi vohi unknown energy maujud hai, jo unknown energy har crime field par maujud hai, iski body par test karte waqt bhi hamari devices baar baar band ho rahi thi”
 
Caption “isse kuch proof nahi hota”
 
Ajit “exactly, isiliye hum yahi par nahi ruke, humne aur study kiya, and jo results samne aaye voh chaunka dene vaale the, iss ladki ki death normal tarike se hi hui..it means uski umar badhne se, lekin uski body ke decompose hone ki rate normal thi”
 
Commissioner “matlab..??”
 
Rajendra “matlab yeh ki jese har insaan ki maut hoti hai..thik usi tarah yeh ladki bhi mari thi, bas farak itna tha ki iske apne 60 saal bas kuch hi seconds me gujaar diye, yaani Dexter ke contact me aane se uski umar badhne ki raftar badh gayi, aur jab Dexter se contact tuta, toh sab kuch pehle jesa ho gaya”
 
Rajendra ki baat sunkar sab log chaunk gaye, par koi kuch nahi bola, Ajit dusri image dikhata hai "fir achanak se muje ek baat yaad aayi, maine ek research paper ko dil behlane ke liye padha tha, and according to this research paper, bahar universe me esi kahi saari unknown energy maujud hai, jo earth ke atmosphere ya surface ke contact ke aane par bahut kuch badal sakti hai..aur usme se yeh bhi ek possibility hai ki uss energy ke radius me hamari banayi hui koi bhi electronics device kaam nahi karegi”
 
Caption “tum kehna kya chahte ho..?? Dexter alien hai..??”
 
Ajit “I am not sure Caption, pichle ek saal me jitne bhi meteors earth ki surface me aaye hai, maine unn sab ki reports par study kiya hai..par muje iss tarah ke energy ya Dexter ke baare me koi link mili, isliye mai apne tarike se apni khud ki research kar raha tha..tab muje yeh mila” aur voh unn saari images dikha deta hai
 
Commissioner "mai kuch samja nahi..yeh nishan toh har crime scene dikhayi dete hai"
 
Ajit "bilkul..par inn images ko thoda dhyan se dekhiye, kuch ajib nahi lag raha”
 
Sabne uss images ko dekha, par kisiko kuch samaj nahi aaya, aur sabke sawaliya bhare chehre ko dekhte hue Ajit bola “yeh nishan, iss jagah bahut saare nishan hai..aur sabse badi baad jo inn nishano ko dusre nishano se alag karti hai..voh yeh overlapping, yeh sare nishan ek dusre ko overlap kar rahe hai"
 
Commissioner "iska kya matlab"
 
Ajit "pure world me jitne bhi attacks hue..hum sab jante hai ki Dexter jaha se bhi gujar ta hai..voh apne nishan chod jaata hai, par aajtak kisi bhi jagah uske nishan kahi par overlap nahi hue" fir voh saare effected area ki images dikhata hai "yeh delhi me jab pehla hamla hua tha, fir chennai, usa, france etc"
 
Commissioner "maana ki aapki theories kaafi interesting hai, par isse kuch proov nahi hota"
 
Rajendra "i am sorry sir, aapne sahi kaha..isse kuch proov nahi hota, par Ajit ne jo kuch bhi bataya..aur yeh nishan vaakahi me bahut ajib hai, kyunki sirf ek jagah par yeh nishan ka iss tarah se overlap hona koi aam baat nahi hai, aur yeh jo images hai..ise hume satellite through capture kiya hai..aur yakin maaniye, pure do din lage hume sirf iss ek tasweer ko lene ke liye, uss jagah par hamari khud ki banayi hui satellite bhi thik se kaam nahi karti aur muje pura yakin hai ki uss jagah par bhi vohi energy maujud hai aur voh bhi bahut hi jyada range me..bas muje uss energy ke baare me pata karna hai..agar uss energy ya uski raditions ke baare me pata chal gaya, hum dexter ke bahut Karib aajayenge”
 
Commissioner "so aap kya chahte hai..??"
 
Rajendra "yeh jagah national park me hi hai, agar hum vaha jaakar khud chaan been kare, kuch toh haath jarur lagega"
 
Ajit "shayad dexter ko rokne ka tarika bhi hume yahi se mile"
 
Commissioner kuch sochta hai, aur vaha rahe sabhi se discuss karne ke baad "thik hai, mai tumhe vaha jaane ki permission deta hu, iss waqt raat ko mai aapki madad nahi kar sakta..par kal subah thik 9 baje, aap apni team lekar vaha jayenge..aur saath me SWAT ke 3 members apke saath honge”
 
Rajendra "thank you sir, thank you so much"
 
Location : Mumbai Railway Station
Time : 8:00 PM
 
Sab log station ke pass me rahe restaurant me baithkar dinner kar rahe the, iss waqt sab log halke mood me the..aur jab mood sahi ho toh ladkiya shopping ki baat naa kare yeh nahi ho sakta
 
Paridhi "yaar maine toh suna hai ki infinity mall..yaha ka best mall hai, ek baar toh muje vaha jaana hi hai"
 
Siddhi "haa, yeh toh maine bhi suna hai, aur maine toh papa se jid bhi ki thi ki jab hum Mumbai jayenge..Infinty mall me jarur jayenge"
 
Mayank "common, yaha par toh nahi"
 
Yeh sunkar sab log mayank ki aur dekhne lage, mayank "kya tum girls ke pass shopping karne ke alawa koi aur topic nahi hota..??"
 
Pathik "bhai..yakin maan, yeh ladkiya shopping karne se kabhi nahi thakti"
 
Mayank "haa..janta hu, CDC lab jaane se pehle mai aur Pari Infinty mall me hi gaye the..usne pure 6 hours liye the"
 
Kruti "cool, hamari Pari ko bhi shopping karna bahut pasand hai" Fir use ehsas hua ki usne kya kaha "v..vvv..oo.hh…hh i am sorry manthan"
 
Mayank "it's okay koi na, but I think ab hume chalna chahiye"
 
Dinner karne ke baad sab log vaha se national park ki aur nikal pade..karib 3 hours ki journey karne ke baad voh log finally National park pahuch chuke the, vaha pahuchte hi mayank man me hi bol pada "maine kabbi nahi socha tha ki mai iss jagah vapas aaunga"
 
Pathik "ab kya..?? Aadhi raat ko hum.jugle me kese jayenge"
 
Siddhi thoda darte hue "aur agar raste me juglee janwaar aa gaye toh"
 
Manthan "simple..voh hume kacha hi chabba jayenge"
 
Siddhi thoda darte hue manthan ka haath pakad leti hai, manthan use khijate hue "pagal..kuch nahi hoga, mai huna tere saath"
 
Siddhi "jab samne sher aayega na toh pata chalega"
 
Mayank "relax guys, aisa kuch nahi hoga, aur kisne kaha ki hum iss waqt jungle me jaa rahe hai”
 
Kruti “fir hum kaha jaa rahe hai..??”
 
Mayank “hum vahi jayenge jaha mai itne din ruka hua tha, iss jungle ke pass me ek gaanv hai"
 
Voh sab log chalte hue uss ganv me aagaye, lekin aaj gaanv me ekdum sannata chaya hua tha, charo taraf shanti hi shanti thi
Manthan chacha ke ghar ke samne gaya aur vaha jaakar bola "chacha ji, aap ghar par ho..?? Mai mayank"
 
Tabhi vaha aneri aayi aur usne darwaza kholte hue kaha "mayank ji aap..?? Itni raat ko kese aana hua..?? Aur yeh sab kaun hai..??"
 
Mayank "yeh sab mere dost hai" aur fir voh sab andar aagaye
 
Mayank "chacha ji kaha hai..??"
 
Lekin aneri ne koi jawab nahi diya, aur uski aankho se aansu nikal aaye, mayank puchta hai "kya hua chacha ji ko..?? Aap ro kyu rahi ho..??"
 
Aneri rote hue "voh..voh uss shaitan ne maar daala, aapko yaha nahi aana chahiye tha, voh..voh bhoot aap sabko maar dalega"
 
Siddhi darte hue "bbbhh…hhh…oo…ooo…tttttt..ttt, kkkk .kyyaaa….sachh me..??"
 
Aneri "ha memsahab, vv..vvoohh...hh voh bahut bhayank bhoot hai" aur voh jor jor se rone lagi
 
Mayank aneri ko hug karte hue use chup karata hai, "aneri..chup ho jao aap, aur muje batao kya hua tha"
 
Aneri ko hug karte hue dekh paridhi ko Mayank par gussa aa raha tha, use khud bhi pata nahi ki use mayank ka aneri ko hug karna kyu pasand nahi aaya 
 
Aneri thodi shant hui toh usne bolna shuru kiya "yaad hai, jab aap uss neend se jaage the, tab yaha voh inspector sahab aaye the aur unhone gaanv khaali karne ko kaha tha"
 
Mayank haa me apna sar hilata hai, aneri ne bolna chalu rakha "voh bhi nahi mante the uss jungle me bhoot hai, voh bhi gaye the uss jungle me..aur voh dono hi maare gaye”
 
Mayank “tumhe kese pata ki unn dono ko kisi bhoot ne maara hai”
 
Aneri “voh mansukh chacha hai na, voh jungle se lakdi kaat kar laut rahe the..aur tabhi unhone uss bhoot ko dekha tha, unhone bataya ki voh dono inspector sahab usi aur gaye the, aur jab voh vaapas aaye toh voh bahut dare hue the, unki baate sunkar gaanv bhi dar gaye aur voh sab log gaanv chodkar chale gaye”
 
Mayank “fir aap dono kyu nahi gaye..??”
 
Aneri ruansi awaaz me kehti hai “humne baapu se kaha tha ki hum bhi chale jaate hai, par bapu nahi maane, aur voh khud uss bhoot se ladne ke liye gaye..aur voh bhi.." iss baar voh khud ko rok nahi paayi aur joro se rone lagi
 
Mayank ne thodi der baad firse pucha "voh..voh bhoot, kesa dikhta hai"
 
Aneri "humne uss bhoot ko nahi dekha, par mansukh chacha ne marne s pehle bataya tha ki voh bahut hi khatarnak hai, uska sharir hai hi nahi..sirf kankaal hai..aur voh har waqt ek asmani rang ki roshni me lipta rehta hai"
 
Mayank gehri saans lete hue "dexter, muje pehle hi samaj jaana chahiye tha"
 
Yeh sunkar sab ne rahat ki saans li, siddhi ki jaan me jaan aayi
Mayank "chacha ji yaha se kyu nahi jaana chahte the..??"
 
Aneri "baapu yeh ghar nahi chodna chahte the, hamare maa ki yaadein iss ghar me basi hai"
 
Mayank ek aur baar aneri ko hug karta hai "aneri..tumne sahi kaha..voh shaitaan hi hai, abhi tak aap yaha par kyu ho..??"
 
Aneri "Baapu ke alawa mera iss duniya me koyi nahi hai..fir mai kaha jaati, aap log chale jaao yaaha se..varna..varna voh aapko bhi maar dega"
 
Mayank "ssshhhhhhh..kuch nahi hoga, ab koi nahi marega..vaada karta hu, raat bahut ho gayi hai..aap so jao" fir voh sabse kehta hai “tum log bhi so jao, hum kal subah hi yaha se niklenge”
 
To be continued…
[Image: 59de114d16a82.png]




Alphaneus
Mental MOD


Moderators
6
2,157 posts 7 threads Joined: Sep 2017
10-18-2017, 01:12 AM -
#67
Good story men
[Image: 59de114d16a82.png]





Assassin1997
Junior Member


0
3 posts 0 threads Joined: Sep 2017
10-18-2017, 05:21 PM -
#68
Congrats for new story


Forum Jump: